Double Feature ёshtё njё format i Tirana Art Lab-it qё ka pёr qёllim sistematik paraqitjen e dy qasjeve tё ndryshme artistike pёr kontekstin shqiptar, rajonal dhe ndёrkombёtar. Pёr Double Feature #04 kemi dashur tё sintetizojmё brenda njё hapёsire tё pёrbashkёt ekspozitive punёt e artistit Shqiptar Nikolin Bujari dhe artistes Maqedonas Nada Prlja. Prezantimi i katert i Double Feature është pjesë e projektit bashkëpunues “Herojtë që duam" dhe përfshin vepra që zhvillohen nëpërmjet ndërhyrjeve në hapësirës publike dhe një puntori me moton Rivizitimi i Herojve Socialist. Pas organizimit me sukses të konferencës ndërkombëtare "Arti i periudhës socialiste midispërbuzjes, fetishizmit dhe tranzicionit" me pjesëmarrjen e kuratorëve, historianëve të artit dhe studiuesve, Tirana Art Lab dëshiron të angazhojë në projekt artistë bashkëkohore të brezit të ri, përmes ndërhyrjeve artistike në monumentet e përzgjedhura të epokës socialiste. Ndërhyrjet kanë për qëllim të stimulojë debatin publik, të nxisin interpretime të reja dhe të evidentojnë potencialet e këtyre veprave të së kaluarës.

Artisti Shqipëtar Nikolin Bujari, praktika artistike e të cilit përqëndrohet në reflektim dhe ndërhyrje në hapësirën publike të cilat rezultojnë në vepra të krijuara për një mjedis të përcaktuar, do të prodhojë një veper të re që ka për qëllim drejtimin e vëmendjes drejt monumenteve nga e kaluara dhe vendosjen e tyre në hapësirën publike në Shqipërinë bashkëkohore. Më 5 maj 1942 Qemal Stafa një nga themeluesit e Partisë Komuniste të Shqipërisë, u vra nga forcat fashiste italiane që kishin pushtuar Shqipërinë. Pas përfundimit të luftës, data e përvjetorit të vdekjes së tij u zgjodh si Dita e Dëshmorëve të Atheut për të përkujtuar të gjithë ata që humbën jetën për çlirimin e Shqipërisë.
Në vendin ku Stafa u vra, u ngrit një lapidar që ende ekziston pranë rrugës me emrin 5 Maj, që ndodhet ngjitur me tregun e madh të qytetit të Tiranës. Lapidari është i rrethuar nga shitës ambulant, duke u paraqitur si një ndërtim absurd në mes të qendrës tregtare. Bujari do të dublikoj lapidarin në madhësinë origjinale dhe do ta instalojë atë në hapësirë përpara Tirana Art Lab, të vendosur në qendër të qytetit. Në punën e tij të re "Një lapidar për lapidarin", Bujari përdor strategji të thjeshta të replikimit dhe zhvendosjes për të ndryshuar kontekstin dhe në të njëjtën kohë kornizën në të cilën lapidari merret në konsideratë, duke krijuar mundësi për debat dhe rivlerësim të tij.

Artistja Nada Prlja, përdor mediume të ndryshme për zhvillimin e projekteve të saj, të cilat lindin si përballje me specifikat e kontekstit dhe kanë për qëllim të ngrenë pyetje në lidhje me çështjet komplekse të pabarazisë dhe padrejtësisë në shoqëri, duke variuar nga çështjet politike, sociale e deri tek ato ekonomike.
"Subversion to Red" është një projekt që inkurajon një kthim të idesë së komunizmit, duke kërkuar ringjalljen e idensë së idealizmit në shoqërinë bashkëkohore si formë alternative e motivimit. Projekti "Subversion to Red" është frymëzuar nga lëvizja e kinemasë eksperimentale 'Black Wave’ nga koha e Jugosllavisë socialiste dhe protagonistët e saj, regjizorët Makavejev, Žilnik dhe Petroviç, të cilët në filmat e tyreballafaqojnë idetë komuniste dhe atmosferën liberale në fundin e viteve 60. Po ashtu projekti "Subversion to Red" ka për qëllim të ripërfshijë idealet humaniste në imazhin simbolik të komunizmit. “Subversion to Red”, argumenton kundër nocioneve të dominimit, adhurimit të heronjtë dhe nënshtrimit të Partisë, nocionet që kanë karakterizuan lëvizjet socialiste në të gjithë botën në shekullin e 20-të. Por ka për qëllim të nxisë 'ëndërra të parealizuara të socializmit "(Buden 2008), çlirimin e shpirtit dhe trupit, vetë-ironinë, dashurinë, gabimet njerëzore dhe naivitetin, aspekte të natyrës njerëzore që janë lënë pas dore gjatë 'valës së vjetër" të socializmit. Projekti synon të zhvillojë një imagjinatë politike anarkiste ose thëne ndryshe nje "politikë të përmbysjes" - përmbysjen e komunizmit të ngurtë të shekullit të 20-të, por në të njëjtën kohë përmbysjen e kapitalizmit mizor aktual të drejtuar nga ekonomia. Në Double Fetaure# 4 do të paraqesim videon Redi-ness - Gestalt (2013) që përbëhet nga riinskenimi i një fjalimi të aktruar nga Milena Dravic në film W.R. Mysteries of the Organism (1971), me regji të Dušan Makavejev. Më 5 maj, Prlja ka zhvilluar një punëtori një ditore dhe ndërhyrje në hapësirën publike, që synon krijimin e një imazhi të "Komunizmit Humanist", ku grupi i pjesëmarrësve do të tregojnë dashuri dhe kujdes ndaj monumenteve socialist, duki i përqafuar, përkëdhelur, puthur, pastruar ato dhe duke ëndërruar së bashku një sistem si alternativë ose si përmirësim kundrejt sistemeve aktuale ose atyre që do të vijnë. Workshopi është zhvilluar në ambjentet e Galeris Kombëtare të Arteve.

Nikolin Bujari u lind në Shkodër në vitin 1984, ai jeton dhe punon në Tiranë. Ai u diplomua në Akademinë e Arteve të Tiranës në vitin 2006 me profesor Edi Hilën dhe ishte një student i ftuar në Kolegjin e Dizajnit në Karlsruhe Gjermani në klasë e profesor Mischa Kuball. Ndër të tjera veprat e tij janë treguar në ekspozita në institucione si: Badischer Kunstverein, Karlsruhe Gjermani, Nassauischer Kunstverein, Wiesbaden Gjermani, Haus am Lützowplatz, Berlin Gjermani, Galeria Kombëtare e Arteve, Tiranë Shqipëri, Bienalja e tretë e Tiranës në Shqipëri, etj.

Nada Prlja u lindur në Sarajevë në 1971, Bosnjë dhe Hercegovinë dhe ka jetuar në Shkup, Maqedoni nga 1981 deri në1999. Që nga viti 1998 ajo jeton dhe punon në Shkup dhe Londër, Britani të Madhe. Ajo mban një diplomë kërkimore Magjistër i Filozofisë nga Kolegji Mbretëror i Arteve, në Londër, pas diplomimit në Akademinë e Arteve të Bukura në Shkup, Maqedoni (dhe më parë nga Shkolla e Lartë Kombëtare të Arteve në Shkup). Prlja ka qënë pjesëmarrëse në këto bienalet: 7 Berlin Biennale, Berlin (2012), Manifesta 8, Murcia (2010) dhe International Printmaking Biennale, Ljubljana (2009). Ajo ka punuar herë pas here në hapësirën publik, disa prej ndërhyrjeve publike ishin për 7 Berlin Bienalen (2012), ORF FUNKHAUS, Vjenë (2009), Marble Arch Gate, Londër (2007), etj.

Kuruar nga Adela Demetja

Ky aktivitet është bashkë-financuar nga Programi i Evropës Krijuese të Bashkimit Evropian